ប្រ​ជា​ជន​ខ្មែរ​យើង​ដែល​បាន​ភៀស​ខ្លួន​ដោយ​សង្រ្គាម ហើយ​បាន​ចូល​មក​កាន់​ប្រ​ទេស​ស្វីស នៅ​ឆ្នាំ​១៩៧៩ មាន​ប្រមាណ ៥០០​គ្រួសារ​ ប្រ​ហែល​ជា ២៥​០០​នាក់​។ ពី​ឆ្នាំ​១៩៧៩ ដល់ ១៩៨១ បង្កើត​អោយ​មាន​កន្លែង​ជួប​​ជុំ​ខ្មែរ​ (Foyer Khmer) ដើម្បី​យក​បញ្ហា​មក​ដោះ​ស្រាយ និង​ប្តូរ​យោបល់​គ្នា។

   ឆ្នាំ​១៩៨១ សមា​គម​ខ្មែរ​ត្រូវ​បាន​បង្កើត​ឡើង​ដើម្បី​រៀប​ចំ​ចាត់​ចែង​បុណ្យ​ទាន​ផ្សេង​ៗ និង រក​មធ្យោ​បាយ​បង្កើត​អោយ​មាន មណ្ឌល​វប្ប​ធម៌ បោះ​ពុម្ព​សៀវ​ភៅ​ខ្មែរ​ចែក​តាម​គ្រួសារ​។

   ឆ្នាំ១៩៨៣ មណ្ឌ​វប្ប​ធម៌​ខ្មែរ​បាន​ផុស​ជា​រូប​រាង​ឡើង ក្នុង​ការ​ជួយ​ដោះ​ស្រាយ​នូវ វិបត្តិ​ខាង​ផ្លូវ​ចិត្ត និង​ជា​ជំរក​នៃ​ទំនៀម​ទំលាប់​ប្រ​ពៃណី​វប្ប​ធម៌​ជាតិ ដែល​យើង​សង្ឃឹម​ថា អាច​បន្ថយ​នូវ​ការ​ជ្រួត​ជ្រាប​ចូល​ដ៏​ឆាប់​រហ័ស​នៃអារ្យ​ធម៌​បរ​ទេស ដែល​បណ្តាល​អោយ​មាន​គ្រោះ​ថ្នាក់​ដ៏​ធ្ងន់ធ្ងរ​ចំពោះ​សង្គម​ជាតិ​យើង​។

   លោក​ស្តើង សាវី អតីត​ប្រធាន​មណ្ឌល​វប្បធម៌​ខ្មែរ​នៅ​ស្វីស អានត្ដ​ទី​២ ក៍​បាន​អះ​អាង​សរ​សេរ​នៅ​ក្នុង​ព្រឹត្តិ​បត្តិ ដដែល​នេះ​ថា នៅ​ខែ​តុលា​ ១៩៩៧ និង​១៩៩៨ បាន​បង្កើត​អោយ​មាន​សបា្តហ៍​វប្ប​ធម៌​នៅ​ត្រូ​ហ្គិន​។

   គំនោលការណ៍ក្នុងសម្បជញ្ញជាតិដ៏ចំបងអស្ចារ្យនេះ បានរំកិលខ្លួនមួយឆ្នាំម្តងៗ ឈានមកដល់សម័យកុំព្យូទ័រទំនើបដែលអនុញ្ញាតិអោយខ្ញុំ
បង្កើតជាបណ្ដាញ សកលមួយ (គេហទំព័រ)ក្នុងគំរោងការណ៍ផ្សព្វផ្សាយ នូវវប្បធម៌អរិយធម៌ អក្សរសាស្រ្ត ព្រះធម៌ព្រះវិន័យ ពុទ្ធសាសនា
របស់ជាតិយើង អោយមានភាពចំរើន រុងរឿងថែមទៀត ហើយដើម្បធ្វើការទប់ស្កាត់ នូវការរលុបបាត់នៃធាតុពិតរបស់ខ្មែរដោយអំណាច
អារ្យធម៌បរទេសផងដែរ។ ព្រោះថា ការមិនចេះភាសា និងអក្សរសាស្រ្តជាតិខ្លួនឯង គឺជាគ្រោះថ្នាក់ដ៏ធំមួយ របស់ជាតិ ដូចជាខ្វាក់ភ្នែកជាតិ
មើលជាតិឯងមិនឃើញយ៉ាងនោះដែរ ដូចនេះ ការបង្កើតគេហទំព័រជាភាសាខ្មែរ ក្នុងបន្តាញសកលរបស់ខ្ញុំបាទនេះ វាក៏ជាឧបករណ៍សីល្ប
វិទ្យាមួយបង្ហាញអក្សរសាស្រ្តខ្មែរផងដែរ។

   ច្បាប់ទូន្មាន ច្បាប់ពាក្យចាស់ ច្បាប់កេរកាល គតិលោកជាដើម គឺជាស្នាដៃចាស់បុរាណយើង ដែលខំធ្វើការប្រៀនប្រដៅដល់កូនចៅ អោយស្គាស់ល្អអាក្រក់ក្នុងដំណើរជីវិតស្នាដៃដ៏ពិស្តារនេះត្រូវបានសង្គមជាតិយើង យកមកធ្វើជាបទសិក្សាអក្សរសាស្រ្តរហូតដល់សព្វថ្ងៃ នេះ ហើយ គឺជាការបង្ហាញនូវអារ្យធម៌មួយដ៏មានសីល្បវិទ្យាអស្ចារ្យណាស់អោយកូនចៅនឹកកោតដល់ស្នាដៃរបស់លោក។

   ចំពោះខេមរជនជាតិកម្ពុជាគ្រប់ៗគ្នា ខ្ញុំសូមឧទ្ទិសបន់ សូមអោយមានសម្បជញ្ញភ្លឺថ្លា ក្នុងការថែរក្សាការពារលើកតំកើង ស្រលាញ់វប្បធម៌ ជាតិ ស្រលាញ់អក្សរសាស្រ្តជាតិស្រលាញ់លទ្ធិសាសនាជាតិ សូមអោយបានសុខចំរើនមានវឌ្ឍនភាពសុភមង្គលលើគន្លងយុត្តិធម៌ជា
និរន្តតទៅ។