ព្រឹត្ដិការណ៍ ខែកក្កដា 2007


ថ្ងៃសៅរ៍ ទី 30.កក្កដា 2022.ម៉ោង 8:25

ថ្ងៃ ទី១ កក្កដា ទាហាន​ឈុត​ខ្មៅ​ថៃ បាន​បិទ​ព្រំ​ដែន​ ចេញ​ចូល​ត្រង់​ម្ដុំ​ប្រាសាទ​ព្រះ​វិហារ​ មិន​អោយ​ប្រជា​ជន​ថៃ​ រឺ​ ខ្មែរ​ និង ទេស​ចរណ៍​នានា​ ចេញ​ចូល​តាម​ច្រក​ព្រំ​ដែន​នេះ​ឡើយ​ ការ​បិទ​ព្រំ​ដែន​របស់​ពួក​ទាហាន​ថៃ​នេះ​ធ្វើ​ឡើង​ក្រោយ​ពី​អាជ្ញា​ធម៌​ខ្មែរ​ បាន​កោះ​ហៅ​មេ​បញ្ជា​ការ​កង​ទ័ព​ថៃ​ មក​ចូល​រួម​ប្រជុំ​ដើម្បី​រិត​បន្ដឹង​ ហាម​មិន​អោយ​មាន​កង​ទ័ព​ក្នុង​អែក​សណ្ឋាន​ទាហាន​ឡើង​ទៅ​លើ​ប្រា​សាទ​ទេ​ ព្រោះ​ជា​ការ​ធ្វើ​អោយ​ភ័យ​ខ្លាច​ដល់​ទេស​ចរណ៍​ទាំង​ឡាយ​ដែល​ទៅ​ធ្វើ​ការ​កំសាន្ដ​នៅ​ទី​នោះ​។​

ថ្ងៃ ទី ៤ កក្កដា សំដេច​ព្រះ​មហា​សង្ឃ​រាជ ទេព វង្ស មាន​ថេរ​ដីកា​ នៅ​ថៃ្ង​ពុធ​នេះ​ថា​ នឹង​ មិន​មាន​ការ​ផ្សឹក​ព្រះ​សង្ឃ​​ដើម​កំនើត​​ខែ្មរ​ក្រោម​ បន្ត​ទៅ​ទៀត​ទេ​ បន្ទាប់​ពី​ការ​ផ្សឹក​​ព្រះ​សង្ឃ​ខែ្មរ​ក្រោម​នៅ​វត្ត​ភ្នំ​ដិន​ ខេត្ត​តាកែវ​ រួច​មក​។​ សំដេច​សង្ឃ​មាន​ថេរ​ដីកា​​បញ្ជាក់​​ថា ការ​ផ្សឹក​ព្រះ​សង្ឃ​កន្លង​មក​ ដោយ​សារ​តែ​​ព្រះ​សង្ឃ​អង្គ​នោះ​ បង្ក​ការ​លំបាក​ដល់​ព្រះ​អង្គ​ ហើយ​ព្រះ​សង្ឃ​អង្គ​ដដែល​ បាន​សុំ​អោយ​មាន​ការ​ផ្សឹក​ថែម​ទៀត​ផង​ ដូចេ្នះ​ព្រះ​អង្គ​ មិន​មាន​មូល​ហេតុ​អ្វី​ នឹង ត្រូវ​​ផ្សឹក​​ព្រះ​សង្ឃ​​អង្គ​ផេ្សង​ទៀត​ឡើយ​។​

សំដេច​ព្រះ​មហា​សង្ឃ​រាជ​ ទេព វង្ស បាន​មាន​ថេរ​ដីកា​ថា «បើ​វា​ពិត ធ្វើ​បាត់​ហើយ​ បើ​វា​មិន​ពិត​... មិន​ធ្វើ​ហ្នឹង​ ហេតុ​ហ្នឹង​ហើយ​ បាន​លោកតា​ថា​ បញ្ចប់​ទៅ​ កុំ​អោយ​រញ៉េ​រញ៉ៃ​ ជា​មួយ​អាហ្នឹង​ ព្រោះ​អានេះ​ វា​ធ្វើ​បាប​អាត្មា​វិញ​ទេ​តើ​ មិន​មែន​អាត្មា​ធ្វើ​បាប​វា​អី​​។ ពួក​អា​ទាំង​អស់​ហ្នឹង​ វា​វ៉ៃ​លោក​តា​បែក​ក្បាល​ បែក​មុខ​ទៀត​។ អី​ចឹង​អត់​មាន​ការ​ផ្សឹក​អី​ត​​ទៅ​ទៀត​ទេ​?)​ អត់​មាន​ មិន​ទាន់​ដឹង​ដែរ​។ អញ​មាន​ផ្សឹក​អែ​ណា​សុំ​អញ​ផ្សឹក​តើ​ បាន​អញ​អោយ​ផ្សឹក​ វិទ្យុ​អាស៊ី​សេរី​។​

ថ្ងៃ ទី៥ កក្កដា ក្រុម​អង្គ​ការ​សិទ្ធិ​មនុស្ស​​នៅ​កម្ពុជា បាន​អំពាវ​នាវ​​យ៉ាង​ទទូច​ ដល់​អាជ្ញា​ធរ​គ្រប់​ជាន់​ថ្នាក់​ ព្រម​ទាំង​ក្រ​សួង​ធម្ម​ការ និង សាសនា​ សូម​អោយ​ជួយ​ធ្វើ​អន្ត​រាគមន៍ នាំ​យក​ព្រះ​គ្រូ​ចៅ​អធិការ ​វត្ត​ភ្នំ​ដិន​ ក្នុង​ខេត្ត​តាកែវ​ ព្រះ​នាម ទឹម សាខន ដែល​បាន​ត្រូវ​អាជ្ញា​ធរ បង្ខំ​អោយ​សឹក កាល​ពី​ថៃ្ង​ ៣០​មិថុនា​ ឆ្នាំ២០០៧ នោះ​ ត្រលប់​ពី​​ប្រ​ទេស​វៀត​ណាម​មក​កម្ពុជា​ និង បំបួស​ឡើង​វិញ​។ ក្នុង​សេច​ក្តី​ថែ្លង​ការណ៍​មួយ​ ចុះ​ថៃ្ង ៤ ខែ​កក្កដា​ ម្សិល​មិញ​នេះ​ គណ​កម្មា​ធិការ​ ប្រ​ព្រឹត្តិ​កម្មនៃ អង្គ​ការ​​សមា​គម​​ការ​ពារ​សិទ្ធិ​មនុស្ស​​កម្ពុជា ដែល ជា​សម្ព័ន្ធ​ នៃ អង្គ​ការ​សមា​គម​ មិន​មែន​រដ្ឋា​ភិបាល​ក្នុង​ស្រុក​ចំនួន​ ២២​បាន​បញ្ជាក់​ អោយ​ដឹង​ថា តាម​ការ​ស៊ើប​អងេ្កត​ នៅ​វេលា​ម៉ោង​​ប្រ​ហែល​ ៤​ល្ងាច​ អាជ្ញា​ធរ​ខេត្ត​​តាកែវ​ និង មេ​គណ​ខេត្ត​បាន​ទូរ​ស័ព្ទ​មក​ ព្រះ​តេជ​ព្រះ​គុណ ទឹម សាខន​អោយ​និមន្ត​ទៅ​ វត្ត​សីហ​រតនា​រាម រួច​ហើយ​ក៏​ចាប់​ផ្សឹក​ព្រះ​អង្គ​ភ្លាម​ៗ​ តែ​ម្តង​។ ក្រោយ​ពេល​ចាប់​ផ្សឹក​រួច​ហើយ​ក្រុម​ប្រដាប់​អាវុធ​ មិន​ស្គាល់​អត្ត​សញ្ញាណ​ ក៏​បាន​ចាប់​ខ្លួន​ព្រះ​គ្រូ​ចៅ​អធិការ​វត្ត​ភ្នំ​ដិន​​រូប​នោះ​ បញ្ចូល​​ក្នុង​រថ​យន្ត​ម៉ាក​តូយ៉ូ​តា​កាម​រី​ ពណ៌‌​ខៀវ​ រួច​ដឹក​ចេញ​ទៅ​បាត់ តែ​ម្តង​ វិទ្យុ​អាស៊ី​សេរី​។

ថ្ងៃ ទី ៦ កក្កដា ទាក់​ទង​ នឹង ព្រឹត្ដិ​ការណ៍​ថ្ងៃ ៥-៦ កក្កដា មន្រ្ដី​ថ្នាក់​ដឹក​នាំ​គណ​បក្ស​នី​មួយ​ៗ បាន​បញ្ចេញ​ទស្សន​ផ្សេង​ៗគ្នា​។ លោក​មុត ចន្ថា អ្នក​នាំ​ពាក្យ​គណ​បក្ស​នរោត្ដម​រណ​រិទ្ធ​ បាន​ថ្លែង​ថា​ គណ​បក្ស​នរោត្ដម​រណ​រិទ្ធ​ជា​គណ​បក្ស​ថ្មី​គ្មាន​អ្វី​ទាក់​ទង​ នឹង ព្រិត្ដ​ការ​ថ្ងៃ ៥-៦ កក្កដា​នោះ​ទេ​ មាន​តែ​គណ​បក្ស​ហ្វុន​ស៊ីន​ប៉ិច​ទេ​ ដែល​បាន​ដឹង​ច្បាស់​ពី​ព្រឹត្ដិ​ការណ៍ ៥-៦​កក្ក​ឆ្នាំ ៩៧​នោះ​​ពិត​ប្រាកដ​ លោក​ញឹក ប៊ុន​ឆៃ ជា​អុត្ដម​សេនី​ដឹក​នាំ​ដោយ​ផ្ទាល់​ លោក​ដឹង​ហើយ​ថា​ មេ​ទា​ហាន មេ​ប៉ូលិស​ ពល​ទាហាន​ ពល​ប៉ូលិស​ ស្លាប់​មួយ​គំនរ​ បើ​លោក​ មិន​ធ្វើ​បុណ្យ​រំលឹក​ទេ​នោះ​ទុក​អោយ​ប្រ​ជា​ពល​រដ្ឋ​ លោក​ធ្វើ​សុភ​និច្ឆ័យ​ រឺ​ ក៏​ថ្កោល​ទោស​ទៅ​ចុះ​ ជា​ពិសេស​ គ្រួសារ​ជន​រង​គ្រោះ​។​

លោក​កែវ ពុទ្ធ​រស្មី ប្រធាន​គណ​បក្ស​ហ្វុន​ស៊ីន​ប៉ីច​ បាន​ថ្លែង​អោយ​ដឹង​ថា​ គណ​បក្ស​ហ្វុន​ស៊ីន​ប៉ិច​ នឹង មិន​មាន​​ប្រា​រព្ធ​ធ្វើ​បុណ្យ​គោរព​វិញ្ញាណ​ខន្ធ​អ្នក​ដែល​បាន​ស្លាប់​នៅ​ក្នុង​ព្រឹត្ដិ​ការណ) ថ្ងៃ​ ៥-៦ កក្កដា​នៅ​ពេល​នេះ​ទេ​ គណ​បក្ស​ នឹង ធ្វើ​នៅ​ក្នុង​ថ្ងៃ​បុណ្យ​ភ្ជុំ​បិណ្ឌ​ខាង​មុខ​ ដូច​ដែល​គណ​បក្ស​ធ្លាប់​បាន​ធ្វើ​តាំង​ពី​សំដេច​ក្រុម​ព្រះ​ស្ថិត​នៅ​ជា​ប្រ​ធាន​គណ​បក្ស​ម្លេះ​។​

ចំនែក​គណ​បក្ស​សម​រង្សី​ លោក​ស្រី​ មូរ សុខហួរ អគ្គ​លេខា​ធិការ​គណ​បក្ស​សម​រង្សី​ មាន​ប្រសាសន៍​ថា ​គណ​បក្ស​សម​រង្សី​ នឹង ប្រារព្ធ​ខួប​​រំលឹក​ដល់​វិញ្ញាណ​ក្ខន្ធ​ អ្នក​ដែល​បាន​បូជា​ជីវិត​ ក្នុង​ព្រឹត្តិ​ការណ៍​ ថៃ្ង​ ​៥-៦ កក្កដា​នេះ​នៅ​ថៃ្ង​ទី ៦​កក្កដា​ ដោយ​មាន​និមន្ត​ ព្រះ​សង្ឃ​ចំនួន​ ១០​អង្គ​ មក​បង្សុ​កូល​ នៅ​ក្នុង​ ទី​ស្នាក់​ការ​កន្តាល​ របស់​គណ​បក្ស​។​

លោក ប្រេត អាដាម Brad Adam នា​យក​របស់​អង្គ​ការ​​ឃ្លាំ​មើល​សិទ្ធិ​មនុស្ស​​អាស៊ី​ Human Rights WatchAsia) នៅ​ថៃ្ង​សុក្រ​នេះ​ បាន​លើក​ឡើង​នូវ​ព្រឹត្តិ​ការណ៍​ រដ្ឋ​ប្រហារ​ ថៃ្ង​ទី ៥-៦​ខែ​កក្កដា​ ឆ្នាំ​ ១៩៩៧ កាល​ពី​ ១០​ឆ្នាំ​មុន​ បាន​ញ៉ាំង​អោយ​លោក​នាយក​រដ្ឋ​មន្រ្តី​ ហ៊ុន សែន កំពុង​តែ​​ក្តោប​ក្តាប់​អំនាច​យ៉ាង​រឹង​មាំ​ រហូត​ដល់​បច្ចុប្បន្ន​នេះ​។​ លោក​បាន​រិះ​គន់​ថា​ គ្មាន​សុខ​មាល​ភាព​រឹង​មាំ ក្នុង​ប្រ​ទេស​កម្ពុជា​ទេ​ ហើយ ប្រ​ជា​ពល​រដ្ឋ​ខែ្មរ​ នឹង បន្ត​រស់​នៅ​ ក្រោម​ការ​ត្រួត​ត្រា​ របៀប​នេះ​ រយៈ​ពេល​យូរ​ត​ទៅ​មុខ​ទៀត​ ប៉ុនែ្ត​លោក​សង្ឃឹម​ថា​ ប្រ​ជា​ពល​រដ្ឋ​ខែ្មរ​ ជំ​នាន់​ក្រោយ​ នឹង ធ្វើ​ការ​ផ្លាស់​ប្តូរ​ដោយ​ចូល​រួម​ ក្នុង​ចលនា​នយោ​បាយ​ អោយ​បាន​ច្រើន​​។ លោក​បាន​ចោទ​ប្រ​កាន់​ថា​ អំពើ​រដ្ឋ​ប្រហារ​ កាល​ពី​ថៃ្ង​ទី​ ៥-​៦ ខែ​កក្ក​ ឆ្នាំ ១៩៩៧ នោះ គឺ​ជា​ ការ​ដន្តើម​អំនាច​គ្នា​ រវាង​លោក​ ហ៊ុន​សែន នាយក​រដ្ឋ​មន្រ្តី​ទី​២​ ដើម្បី​ដក​ហូត​​អាវុធ​ទាំង​អស់​ ពី​កង​កម្លាំង​​ស្មោះ​ត្រង់​ នឹង សំដេច​ក្រុម​ព្រះ​ នរោត្តម​រណ​រិទ្ធ​ នាយក​រដ្ឋ​មន្រ្តី​ទី​១​ ក្រោម​ការ​ចោទ​ប្រកាន់​ថា​ គឺ​ជា​ការ​បោស​សំអាត​ កង​កំលាំង​​អាណា​ធិប​តេយ្យ​។​

ថ្ងៃ ទី ៧ កក្កដា ការ​សម្ពាធ​មន្ទីរ​រដ្ឋ​សភា​ថ្មី​ក្រោម​អធិប​តី​ព្រះ​មហា​ក្សត្រ​ ព្រះ​បាទ​បរម​នាថ​ នរោត្ដម សីហ​មុនី​ព្រះ​អង្គ​មាន​ព្រះ​បន្ទូល​ អំពាវ​នាវ​អោយ​អង្គ​ការ​កំពូល​ របស់​រដ្ឋ​ទាំង​បី​ ព្រម​ទាំង​ អង្គ​ការ​ក្រៅ​រដ្ឋា​ភិបាល​​ផង​​ដែរ​រួប​រួម​គ្នា​ជា​ធ្លុង​មួយ​ ដើម្បី​អភិវឌ្ឍ​ ប្រ​ទេស​ជាតិ​។ វិមាន​រដ្ឋ​សភា​ថ្មី​នេះ​ ត្រូវ​បាន​សាង​សង់​ឡើង​ នៅ​លើ​ផៃ្ទ​ដី​សរុប​ ២៨.០៤៩2 ម៉ែត្រ​ក្រលា​ដោយ​មាន​អគារ​ធំ​ៗ​ ចំនួន​៥ និង មាន​បន្ទប់​ចំនួន​ ជាង 300​បន្ទប់​ ក្នុង​នោះ​មាន​ អគារ​ការិ​យា​ល័យ​ តំនាង​រាស្រ្ត​ចំនួន​ ៣ ដែល​សមា​ជិក​ រដ្ឋ​សភា​​ម្នាក់​ៗ​ មាន​បន្ទប់​ចំនួន​ ២​ គឺ​បន្ទប់​ផ្ទាល់​ខ្លួន​ ១​ និង​បន្ទប់​ទទួល​ភ្ញៀវ​ ១​ អែ​សាល​ប្រ​ជុំ​ពេញ​អង្គ​ របស់​រដ្ឋ​សភា​វិញ​ មាន​កៅ​អី ចំនួន ៤៤៥​កៅ​អី​។ វិមាន​រដ្ឋ​សភា​ថ្មី​នេះ​ ចំនាយ​អស់​​ទឹក​ប្រាក់​​ប្រមាណ​ជិត​ ៣០​លាន​ដុល្លារ​អា​មេ​រិក​។

ជុំវិញ​រឿង​វិវាទ​រវាង​គណ​បក្ស​ហ្វុន​ស៊ិន​ប៉ិច​ និង គណ​បក្ស​នរោត្ដម​រណ​រិទ្ធ ដែល​ថ្មី​នេះ​មាន​លិច​លឺ​ថា​ គណ​បក្ស​ទាំង​ពីរ​កំពុង​ចរ​ចា​គ្នា​ ដើម្បី​ឈាន​រក​ការ​រួប​រួម​គ្នា​ឡើង​វិញ​នោះ​ ទំនង​ជា​មិន​អាច​ធ្វើ​ទៅ​បាន​ទេ​ ព្រះ​អង្គ​ម្ចាស់​នរោ​ត្ដម​រណ​រិទ្ធ ដែល​កំពុង​ស្ថិត​នៅ​ក្នុង​ប្រទេស​សិង្ហ​បុរី​ កំពុង​ព្យា​យាម​រក​អន្ដ​រា​គម​ពី​ប្រមុខ​រដ្ឋា​ភិបាល​ គឺ​ លោក​នា​យក​រដ្ឋ​មន្ដ្រី​ហ៊ុន សែន ដើម្បី​បាន​ត្រលប់​មក​កម្ពុជា​វិញ​ និង​ បាន​ចូល​ប្រលូក​ក្នុង​ឆាក​នយោ​បាយ​បន្ដ​ទៀត​។

ថ្ងៃ ទី ៨ កក្កដា លោក​នាយក​រដ្ឋ​មន្រ្ដី​ហ៊ុន សែន ដឹក​នាំ​គណ​ប្រតិ​ភូ​មួយ​ក្រុម​ ទៅ​ធ្វើ​ទស្សន​កិច្ច​នៅ​ប្រទេស​អិណ្ឌា​ ដើម្បី​ពង្រឹង​មិត្ដ​ភាព​ និង ស្វែង​រក​អ្នក​វិនិយោគ​ទុន​អិណ្ឌា​ អោយ​មក​ធ្វើ​វិនិយោគ​នៅ​កម្ពុជា​អោយ​បាន​ច្រើន​។

ការ​ប្រកាស​ការ​ប្រគួត​ផ្ដាច់​ព្រាត់​ វត្ថុ​អច្ឆ​រិយៈ​៧ ពិភព​លោក​ បាន​ធ្វើ​នៅ​ទីក្រុង​ លីស្បូន​ ប្រ​ទេស​ព័រ​ទុយ​ហ្គាល​​កាល​ពី​យប់​មិញ​អោយ​ដឹង​ថា​ វត្ថុ​អច្ឆ​រិយៈ​៧ ដែល​ត្រូវ​បាន​ជ្រើស​រើស​មាន​៖
១ - មហាកំពែងរបស់ចិន
២ - ប្រាសាទ Petra របស់ប្រទេស ហ្សូកដាន
៣ -រូបចំលាក់ព្រះយេស៊ូ នៅលើភ្នំ Redeemer នៃប្រទេសប្រេស៊ីល
៤ - ប្រាសាទបុរាណ Machu Picchu នៃប្រទេសប៉េរូ Peru
៥ -ប្រាសាទ ឆិកឆិន អិតសា Chichen Itza នៅម៉ិចស៊ិកគោ
៦ - ទីលានទស្សនាកីឡា រាងមូល នៅក្រុងរ៉ូមប្រទេសអ៊ីតាលី
៧ ​- ប្រាសាទ តាលមហាតាល នៅប្រទេសអិណ្ឌា។
ប្រាសាទ​អង្គរ​វត្ត​របស់​ខែ្មរ​ ក៏​ត្រូវ​បាន​ចាត់​បញ្ចូល​ទៅ​ក្នុង​បញ្ជី​​ប្រកួត​ប្រជែង​ផ្តាច់​ព្រ័ត្រ​​នោះ​ដែ​រ ប៉ុនែ្ត​ពុំ​បាន​ឈ្នះ​ជាប់​ក្នុង​ចំនួន​អច្ឆ​រិយៈ​ ទាំង​៧​នោះ​ឡើយ​។​

មន្រ្តី​យោធា​ព្រំ​ដែន​ខែ្មរ​ ប្រចាំ​តំបន់​​ប្រា​សាទ​ព្រះ​វិហារ​ បាន​អោយ​ដឹង​ថា​ កង​ទាហាន​ឈុត​ខ្មៅ​ ការ​ពារ​ព្រំ​ដែន​ នៃ ខេត្ត​ស៊ី​សាកេត​​របស់​ថៃ​ បាន​បើក​​ច្រក​ព្រំ​ដែន​ ឲ្យ​ភ្ញៀវ​ទេស​ចរ​បរ​ទេស​ ជន​ជាតិ​ថៃ​ និង​ ប្រជា​ពល​រដ្ឋ​ខែ្មរ​ បាន​ឆ្លង​ដែន​គ្នា ចេញ​ចូល​ និង ឡើង​​មក​លើ​ប្រាសាទ​ព្រះ​វិហារ​ដូច​ធម្ម​តា​ឡើង​វិញ​ហើយ​ បន្ទាប់​ពី​មាន​ការ​បិទ​ច្រក​ព្រំ​ដែន​ ដោយ​សារ​ការ​ខែ្វង​គំនិត​គ្នា​ រវាង​​កង​រក្សា​ព្រំ​ដែន​ខែ្មរ​ និង ទាហាន​ថៃ​ ជាង​មួយ​សបា្តហ៍​កន្លង​មក​។​

ថ្ងៃ ទី ៩ កក្កដា ទីស្នាក់​ការ​កន្ដាល​របស់​គណ​បក្ស​សិទ្ធ​មនុស្ស​របស់​លោក​កឹម សុខា ត្រូវ​បាន​បើក​សំពោធ​នៅ​ទី​ក្រុង​ភ្នំ​ពេញ​​។

ថ្ងែ ទី ១១ កក្កដា គួរ​អោយ​ចំលែក​ ព្រះ​អង្គ​ម្ចាស់​ធម្មិ​កោ ដែល​ទើប​បង្កើត​គណ​បក្ស​សង្គម​ជាតិ​និយម​មិន​ទាន់​បាន​មួយ​ឆ្នាំ​ផង​ ហើយ​ដែល​ព្រះ​អង្គ​មាន​ជំហរ​ តិះ​ទៀត​គណ​បក្ស​ហ្វុន​ស៊ីន​ប៉ិច​យ៉ាង​ខ្លាំង​ ហើយ​ព្រះ​អង្គ​បាន​សំដែង​ការ​គាំ​ទ្រ​ និង ដឹក​នាំ​បក្ស​ពូក​ទៅ​ចូល​ នឹង គណ​បក្ស​រណ​រិទ្ធ​ទៀត​ផង​ តែ​ថ្ងៃ​នេះ​ព្រះ​អង្គ​បែរ​ជា​ទៅ​គាំ​ទ្រ សំដែង​ការ​ពេញ​ចិត្ដ​ និង មាន​បំនង​ចូល​រួម​ ជា​មួយ​គណ​បក្ស​ហ្វុន​ស៊ីន​ប៉ិច​ធ្វើ​ប្រ​ងើយ​។​

ព្រះអង្គ​ម្ចាស់ ធម្មិកោ បាន​មាន​បន្ទូល​ថា «ថៃ្ង​នេះ​ ខ្ញុំ​យល់​ឃើញ​ច្បាស់​ថា​ មាន​គណ​បក្ស​តែ​មួយ​ ដែល​បំរើ​មាគ៌ា‌​នយោ​បាយ​​របស់​ព្រះ​ករុណា​។ ជា​ផ្លូវ​ការ ជា​អោលា​រិក​ ខ្ញុំ​ទទួល​ស្គាល់​ថា​ មាន​តែ​គណ​បក្ស​ហ្វុន​ស៊ិន​ប៉ិច​ទេ​ ដែល​ដើរ​ទៅ​តាម​ផ្លូវ​ហ្នឹង​ ហេតុ​នោះ​ហើយ​​ខ្ញុំ​បាន​សំរេច​ចិត្ត​​ថៃ្ង​នេះ​ សុំ​ចូល​ជា​សមា​ជិក​ នៅ​ក្នុង​គណ​បក្ស​ហ្វុន​ស៊ិន​ប៉ិច​។ ខ្ញុំ​មិន​អាច​ នឹង ចូល​រួម​សកម្ម​ភាព​ នៅ​ក្នុង​គណ​បក្ស​នរោ​ត្តម​រណ​រិទ្ធ​ទេ​ ដោយ​ខ្ញុំ​យល់​ឃើញ​ថា​បើ​សិន​ជា​ខ្ញុំ​ ចូល​ទៅ​ក្នុង​គណ​បក្ស​នរោត្តម​រណ​រិទ្ធ​ ខ្ញុំ​មិន​អាច​ នឹង ធ្វើ​សកម្ម​ភាព​​បង្រួប​បង្រួម​ ប្រ​មែ​ប្រមូល​ ត​ទៅ​ទៀត​បាន​ទេ​។​

ថ្ងៃ ទី១២ កក្កដា លោក​អោក សុជាតិ និង លោក​សេរី កុសល មន្រ្តី​ជាន់​ខ្ពស់​ នៃ គណ​បក្ស​នរោត្តម​ រណរិទ្ធ និង​ ជា​មនុស្ស​ដែល​ស្និទ្ធ​បំផុត​របស់​សំដេច​ក្រុម​ព្រះ​នរោត្ដម​រណ​រិទ្ធ​ នៅ​ព្រឹក​ថៃ្ង​ ទី​១២​ កក្កដា បាន​ចេញ​សេច​ក្តី​ប្រកាស​ជា​សាធា​រណ​មួយ​ ដោយ​ចុះ​ហត្ថ​លេខា​រួម​គ្នា​ថា​ ពួក​លោក​បាន​សំរេច​ចិត្ត​ចាក​ចេញ​ពី​គណ​បក្ស​ នរោត្តម​រណរិទ្ធ​ ទៅ​ចូល​រួម​ជា​មួយ​ នឹង គណ​បក្ស​ហ្វុន​ស៊ិន​ប៉ិច​វិញ​ ដោយ​យោង​ទៅ​តាម​ការ​អំពាវ​នាវ​របស់​ថ្នាក់​ ដឹក​នាំ​នៃ​គណ​បក្សហ្វុន​ស៊ិន​ប៉ិច​​។

ថ្ងៃទី ១៥ កក្កដា លាក ប៉ែន សុវណ្ណ អតីត​ប្រធាន​ គណ​បក្ស​ប្រជា​ជន​បដិវត្តន៍​កម្ពុជា ហើយ​បច្ចុប្បន្ន​ ជា​ប្រ​ធាន​ គណ​បក្ស​ទ្រ​ទ្រង់​ជាតិ​កម្ពុជា​ មាន​ប្រសាសន៍​ប្រាប់​ វិទ្យុអាស៊ី​សេរី​ នៅ​រសៀល​ថៃ្ង​អាទិត្យ​ ទី​១៥ កក្កដា​នេះ​ថា​ គណបក្ស​​របស់​លោក​ សំរេច​ចូល​រួម​ ជា​មួយ​គណ​បក្ស​សិទ្ធិ​មនុស្ស​​របស់​លោក​ កឹម សុខា​ ទោះ​បី​ជា​ គណ​បក្ស​នេះ​ទើប​តែ​បង្កើត​ថ្មី​ក៏​ដោយ​។ លោក ប៉ែន សុវណ្ណ មាន​ប្រសាសន៍​ ដូចេ្នះ​ថា​ «ខ្ញុំ​ថា​ ទើបបង្កើត​ថ្មី​​មែន​ ប៉ុនែ្ត​​មនុស្ស​ចាស់​ ហើយ គំនិត​ត​ស៊ូ​របស់​គាត់​ ក៏ គាត់​យូរ​មក​​ហើយ​​ ប៉ុនែ្ត​ ឱកាស​គាត់​ មិន​ទាន់​មាន​ គាត់​ឈ្មួស​​ឈ្មុល​​ក្នុង​បេះ​ដូង​​ប្រជា​ពល​រដ្ឋ​ ប្រជា​ពល​រដ្ឋ​​ចង់​បាន​អ្វី ទាម​ទារ​អ្វី​។ ហេតុ​នេះ​ លើ​មូល​ដ្ឋាន​នេះ គាត់​ត្រូវ​តែ​គោរព​ ហៅ​ថា សំលេង​ដង្ហោយ​ហៅ​ របស់​ប្រជា​ពល​រដ្ឋ​»​​​។​

គណ​កម្មា​ធិ​ការ​ជាតិ​ ដោះ​ស្រាយ​វិវាទ​ព្រំ​ដែន បា​នអះ​អាង​ជា​ថ្មី​ ថា​ គេ​កំពុង​ធ្វើ​ពង្រៀង​​ច្បាប់​បោះ​បង្គោល​ ព្រំសីមា​ដី​គោគ​ រវាង​ ប្រទេស​កម្ពុជា​ នឹង ប្រទេស​ជិត​ខាង ដើម្បី​ឲ្យ​បញ្ចប់​នៅ​ក្នុង​ឆ្នាំ 2008 ខាង​មុខ​នេះ​​។

មាន​ប្រសាសន៍​នៅ​រដ្ឋ​សភា​នា​ព្រឹក​ថៃ្ង​ព្រហ្បតិ​នេះ​ ជា​មួយ​គណ​កម្ម​ការ​ទី​5 នៃ​ រដ្ឋ​សភា​ទទួល​បន្ទុក​កិច្ច​ការ​បរ​ទេស លោក វ៉ា គឹមហុង ប្រ​ធាន​គណ​កម្មា​ធិការ​ជាតិ ដោះ​ស្រាយ​វិវាទ​ព្រំ​ដែន​ ឲ្យ​ដឹង​ថា ការ​ងារ​បាន​ចម្រើន​ទៅ​មុខ បើ​ទោះ​បី​ជា​មាន​ឧប​សគ្គ​ ផែ្នក​បចេ្ចក​ទេស​ខ្លះ និង បញ្ហា​ស្មុគ​ស្មាញ​ នៃ​ទី​តាំង​ភូមិ​សាស្រ្ត​ ប្រកប​ទៅ​ដោយ​មីន​បង្កប់​ក៏​ដោយ​ ក៏ប៉ុនែ្ត​ មិន​បាន​រាំង​ស្ទះ​ទៅ​ដល់​ការ​ងារ​នេះ​ឡើយ​។​ លោក វ៉ា គឹមហុង បាន​ឲ្យដឹង​ថា យើង​ត្រូវ​រៀប​ចំ​ធ្វើ​ឲ្យ​រួច នូវ បង្គោល​ព្រំ​ដែន​ទាំង​អស់​ក្នុង​ឆ្នាំ 2008 គឺ​ថា ធម្មតា​ខែ​វស្សា​ ការ​ធ្វើ​នៅ​ក្នុង​តំបន់​ភ្នំ​ វា​ពិបាក​ណាស់​ គឺថា​ ភ្លៀង វា​រអិល ឡើង​ទួល ឡើង​ភ្នំ មិន​រួច​ទេ ទោះ​ជា​របៀប​ហ្នឹង​​ក៏​យើង​ខិត​ខំ​ធ្វើ​ដែរ​។

ជំនួប​នេះ​ធ្វើ​ឡើង​ នៅ​ក្រោយ​ការ​បារម្ភ របស់​គណៈ​កម្មកា​រ​ទី​ 5 នៃ​រដ្ឋ​សភា ដែល​គិត​ថា នឹង​មិន​អាច​បញ្ចប់​បញ្ហា​នេះ​ ដោយ​តក់​ក្រហល់​បាន​ទេ​ នៅ​ជុំ​វិញ​ មន្រ្តី​ខែ្មរ​ ខ្វះ​ខាត​នូវ​​ឧបក​រណ៍ សំភារៈ និង ភាព​ចម្រូង​ចម្រាស​ នៃ កាបោះ​បង្គោល​ ដែល​ប្រទេស​ជិត​ខាង​ ច្រើន​ធ្វើ​កន្លង​មក​ តាម​លក្ខណៈ​ ឯក​តោ​ភាគី​។